بـدء العـام الدراسـى الجديد..!

أولا كل سنة وانتم طيبين وبما اني قديم شوية انا هحكي لكم علي قصة حصلت معايا في أول اسبوع دراسي في الثانوية العامة ( زمان ) كان عندنا مدرس كيمياء اسمه محمد فاروق كان من المحلة أو من قراها المجاورة - كان ضخم الجثة وطويل جدا لدرجة انه كان بيوطي راسه عشان يدخل من باب الفصل وملامح وشه لا تبشر بأى خير كان عامل زي المومياء . بالرغم من انه مدرس محترم ومتفاني في شغله واخلاقه عاليه . لكن انا كنت لسه خارج من الاعدادي طازه ومشفتش مدرس بالحجم ده وكنت بخاف منه جدا لدرجة انه عملي عقده نفسية من الكيمياء ومرحتش المدرسة اسبوعين وحالتي النفسية اتبهدلت مش عارف فيه ايه يمكن كان خوف من الثانوية عموما - لكن الحمد لله - أتى أمر الله - الراجل اتنقل والحمد لله وبقت الثانوية احلي ثانوية .

وكل سنة وانتم طيبين

كل ام الانسان بيكبر تزيد خبراته في الحياة وساعاتها عرفت ان كل خوفي كان اوهام ورهبة الثانوية العامة ليس إلا .