الي الأخوة الأفاضل ياريت حد يوضح لي لأني بقالي فترة كبيرة بعيد عن البلد من قبل الانتخابات اللي فاتت ، هل دلوقتي اتفق الطرفان وارتضي الناس من هنا ومن هنا علي أن يكون السيد / محمد عوض . هو مرشح الفئات والسيد المحترم / عبد الستار شلبي هو مرشح العمال . ؟؟؟
هل وافق الطرفان علي ذلك أقصد أهل القريتان ( بني حرب وبني تميم ) !!
زمان كان يدخل المرشح من دول القرشية بفنلتين ودورة رمضانية وشوية هداية وياخد أصوات الناس وادي وش الضيف ياتري يا أفاضل حال البلد لسه زي ما هو وياتري شوية الدورات الرياضية والتبرعات الخيرية هي دي الضوابط اللي من خلالها نختار المرشح ؟؟ ياريت واتمني من كل شاب في القرية انi يفكر كويس ويعرف ان المصلحة العامة أهم من المصلحة الخاصة يعني مش تي شيرت كوره هو اللي يخليني احب فلان وأكره فلان . وأنا اقترح ان المرشح اللي ياخد اصوات البلد يكون المرشح الأكثر خدمه لها ( ليس بالدورات الرمضانية ) ولكن بعمل التالي
قبل الانتخابات : 1- أولا عمل مشروع ضخم ( مصنع - شركة - مؤسسة تجارية ) لتقليل عدد العاطلين في البلد وللحد من انتشار البطالة علي مستوي القرية . المشروع كامل وليس حجر الاساس .
2- بناء مستشفي أو مستوصف علي أحدث المستويات داخل القرية ولنقل في حي السوق مثلا . وتدعيمة بالكفاءات اللازمة من الأطباء وكوادر التمريض . ( والبلد فيها من ابنائها الأطباء ما يكفيها ) . وتجهيزه بكافة الاجهزة الحديثة وكذلك توفير كافة ادوية ومصلات السموم ( مش كل فترة نسمع عن واحد قرصه ثعبان مات ) .
3- بناء مدرسة لغات وحضانة لغات . ( والبلد فيها من الكوادر الأكاديمية التي تستطيع وتكون في حي الاسكان .
4- اعادة السعي عند المحافظة لتشغيل خط السيرفيس لنقل أبناء البلد الي المحافظات المختلفة وتخصيص سيارات معينه للنساء تتحرك بمواعيد حسب الجدول اليومي . مدعم من قبل المحافظة .
5- عمل موقف خاص بقرية القرشية لأصحاب سيارات الأجرة ولأصحاب الميكروباص من قرية القرشية
6- أضاءة الطريق الفردي كاملة من أول البلد الي اخرها .
7- اعادة هيكلة الكادر الاداري في نادي القرشية لانني وعلي حد علمي بانه لا يوجد من يستحق ان يعمل بهذا المكان
8- اعادة بناء نادي القرشية وتجهيز الملعب ( نجيله ) واضاءاته .
9- تفعيل دور نقطة بوليس القرشية لأني أعتقد والله أعلم أن ليس لها أى دور فعال بدليل انتشار المخدرات في البلد عيني عينك . مع توصية بتسريح كادر الغفر كله ( الحرس القديم ) للتقاعد وتوظيف كفاءات شباب وليسوا من القرشية أو ميت يزيد حتي لا يحدث تواطؤا معهم ولو من محافظة تانية يكون أحسن ( مش خيال مئاته ) .
10- عمل سوبر ماركت مركزي كبير ملحق بعدد 3 او اربع مخابز لتوفير السلع التموينية المدعمه من قبل المرشح صاحب العمل الخيري والعمل الانساني لسد احيتاجات اهل القرية والقري المجاورة .
11- تتطوير شبكات المياه والصرف الصحي . ( البنية التحية كلها ) والكهرباء .
12- رصف الطرق الرئيسية في القرية .
13- عمل صندوق لتنمية المشاريع الصغير في القرية لأصحاب الحرف وكذلك صندوق اخر لدعم الحلات الحرجه من المرضي ومن محتاجي الاعانات ومن محتاجي المساعدة علي الزواج .
14- تفعيل دور المجلس المحلي النائم ( تدخل المجلس كله واخد خط سير ومزوغ ) .
*- للعلم أغلب الطلبات أعلاه من السهل علي اثنين مرشحين عملها واحد فئات وواحد عمال اذا فعلا كان يهمهم أهل بلدهم وللعلم جميع المشاريع اللي هم هيعملوها دي تعتبر استثمار ليهم ,ولأموالهم وهتعود علي المرشح بالربح المادي .
*أنا عندي افكار كثير بس لو حد يسمع .علي فكرةبلدكم غاليه عليكم [u] وياريت متبيعوهاش بكلام فاضي , وياريت مكنش بحلم
* أى حقيقه بتكون حلم الأول وان شاء الله نسعي لتحقيقه , وثاني بلدكم غاليه قوي عليكم وده نموزج لأفكاري يمكن أكون انا المرشح القادم وده برده حلم .
ياريت اعرف رأيك في الأحلام اللي فوق .
تحياتي
رحالة
الإثنين يناير 20, 2014 7:50 am من طرف 
